Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Eraikuntza akatsak eraikin berri batean

2000ko otsailean etxebizitza berri bat erosi nuen hiru solairu eta 12 etxebizitzako finka batean. Ia urtebetez bizi naiz bertan eta arazo batzuk daudela ikusi dut. Logelako hormak auzokoaren etxean gertatzen dena entzuten uzten dit, ez baitago isolamendurik. Eraikitzaileak aitortu du horma horrek ez duela aire kamerarik eta gainera uste dut ez duela behar lukeen lodierarik ere. Sotoan aparkalekua dugu eta, hori dela eta, CO2 erauzgailuak daude jarrita, baina ez dute isolamendurik eta soinu gogaikarria ateratzen dute gau eta egunez. Enpresa eraikitzaileak dio hori ez dela euren arazoa eta isolatu nahi baditugu, geure kontura egin beharko dugula. Auzi hauek konpontzeko legez zer egin dezakedan jakin nahi nuke.

Eraikuntza akatsik dagoen eta obra proiektua bete ez delako diren edo eraikuntza lanetan parte hartu zutenen zabarkeriaz gertatu diren jakiteko, arkitekto edo aparejadore baten aditu-txostena egin beharko da. Txosten horretan argitu beharko da auzia eta akats horiek eraikin osoari eragiten dioten, akatsen nolakotasun eta larritasuna, izan dezaketen bilakaera etab.

Prozesu horri ekitea erabakiz gero, jabeen hurrengo bilerako gai zerrendan gaia sartzea proposatu beharko zaio bizilagunen elkarteko presidenteari (edo gai hori aztertzeko berariaz bilera deitzea). Bilera horretan, aditu bati txostena eskatzea proposatuko zaio batzarrari, eraikuntza akatsak, horien larritasuna eta zergatiak, bilakaera posiblea etab. jaso ditzan eta ez da ahaztu behar sototik datozen zaraten neurketa ere egitea, larregikoak diren ala ez jakiteko.

Adituen txosteneko datuetatik abiatuta, bizilagunen elkarteko presidenteak, elkartearen izenean eta batzarrak horretarako baimena emanik, arduradun posibleengana jo ahal izango du, akats eta kalteen konponketa eskatzeko; jabekideetako norbaitek ere egin ahal izango luke, bere izenean eta bizilagun elkartearen mesedetan.

Era honetako negoziazioetarako abokatu bat izatea komeni da, emaitzarik lortu ezean, Epaitegi Zibiletara jo beharko da eta. Horretara iritsiz gero, kontuan izan beharko da etxebizitza orain urtebete erosi zela eta, beraz, ez dela aplikagarri Eraikuntza Ordenatzeko Lege berria, 2000ko azaroaren 6an sartu baitzen indarrean.Horrek aurreko araudia ezartzea ekarriko luke, zehazkiago Kode Zibileko 1.591. artikulua, eraikuntzako akatsengatik parte hartu duten guztien hamar urterako erantzukizuna eta erantzukizun solidarioa ebazten duena. Gainera, jurisprudentzia ugari dago eta baita Kontsumitzaile eta Erabiltzaileen Legea ere.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto