Erosleek ez zituzten ordaindu enpresa eraikitzailearen hipoteka eratzeko gastuak

76 kontsumitzailek apartamentuak erosi zituzten eraikin batean. Salerosketa kontratuetan, finkarengan zuen hipotekaren eratze-gastuak erosleei kobratzeko ahalmena ematen zion klausula sartu zuen enpresa eraikitzaileak. Kontsumitzaileek elkar hartu eta demanda jarri zuten inmobiliariaren aurka eta klausula indarrik gabe uztea eta kontzeptu horregatik kobratutako kopurua itzultzea eskatu zuten. Auzia Epaitegi Goreneraino iritsi zen eta 2000ko ekainaren 1ean kontsumitzaileen aldeko epaia eman zen.

Gorenaren aburuz ordainketa hori bidegabea da, Kontsumitzaile eta Erabiltzaileen Defentsarako Lege Orokorreko 10.1 c).11 artikuluak xedatzen duenaren indarrez. Lege horren arabera, produktu edo zerbitzuen eskaintza edo salmentari ezartzen zaizkion klausula, baldintza edo estipulazioek fede ona eta kontraprestazioen oreka justua bete beharko dute. Horrek ez du aukerarik ematen etxebizitzen lehen salmentan saltzaileari dagozkion titulazio-tramiteen ondoriozko gastuak erosleak bere gain hartu behar dituela ezartzen duen estipulazioa ezartzeko. Horregatik, estipulazio hori baliogabea dela ezarri zuen Epaitegiak eta salerosketa kontratuan ez da sartuko.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du