A defectuosa unión da cambota do quentador co conducto de evacuación de gases produciu dúas mortes

Unha nai e un fillo morreron intoxicados na súa cociña polo monóxido de carbono que encheu o aire da estancia, como consecuencia da defectuosa unión da cambota do quentador co conducto de evacuación de gases. O esposo e pai das víctimas demandou a Repsol Butano S.A reclamando a súa responsabilidade civil e unha indemnización.

En primeira instancia, o Xulgado número 1 de Lizarra (Navarra) condenou a Repsol Butano a indemnizalo con oito millóns de pesetas polo falecemento da súa esposa e seis millóns polo do fillo. Repsol Butano presentou recurso ante o Tribunal Supremo porque consideraba que tamén se debía demandar á distribuidora de butano á que lle correspondía, en virtude dun contrato entre ámbalas entidades, a obriga de inspeccionar periodicamente as instalacións de gas. Pero o alto Tribunal determinou que a existencia dun vínculo de solidariedade entre os posibles responsables facía innecesario demandar ós dous. Decidiu o Supremo o 13 de novembro do 2000 que quedou probado que o accidente que lles custou a vida a dúas persoas tivo como causa a defectuosa unión da cambota do quentador ó conducto de evacuación de gases, o que favoreceu a saída do monóxido de carbono á cociña, e que a vixilancia e control do bo estado e funcionamento das instalacións lle correspondía a Repsol Butano, polo que confirmou a sentencia do Xulgado de Primeira Instancia.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du