- Kokapen honetan zaude: Hasiera > Paperezko bertsioa > Praktikoena > Epaiak
Auziek, nahiz eta antzekoak izan, epai ezberdinak izan ditzakete. Orri honek gure eremuko epaitegien epaiak jasotzen ditu, betiere, epai horiek mota guztietako produktu eta zerbitzuetako kontsumitzaile eta erabiltzaileengan eragina baitute. Antzekotasuna duten kasuen aurrean, frogak, inplikatutako aldeen egoera zehatzak eta baita auzitegiak berak ere epai ezberdinak eman ditzake.
Ospitaleak ez zien senitartekoei jakinarazi gaixo baten heriotza
Epaitegi Gorenaren 2000ko urriaren 19ko epai batek ziurtatzen duen moduan, pertsona bat Valentziako Ospitale Nagusian ospitaleratu zuten, eta bertatik Vilanovako Arnaldo Ospitalera lekualdatu zuten odoljario digestibo bat izan zuelako eta koma-egoeran sartu zelako. Hurrengo egunean hil egin zen. Gorpuen gelara eraman zuten, eta hantxe aurkitu zuen ospitaleko langile batek zortzi egun geroago. Horren ondorioz, ospitaleak poliziarengana jo zuen hildakoaren familia aurkitzeko asmoz.
Poliziaren gestioen ondorioz, senitartekoak ospitalera etorri ziren hilotza identifikatzera. Senitarteko horiei baltsamatze-gastuak ordainarazi zieten, guztira 95.000 pezeta, izan ere neurri hori beharrezkoa baitzen gorpua ehorzteko eta hozkailu-kameratik ateratzeko. Hildakoaren seme batek demanda jarri zuen kalte moralengatik Valentziako Osasun Zerbitzuaren aurka, eta Lehen Instantzian, hildakoaren familiari milioi erdi bat pezetako kalte-ordaina ematera zigortu zuten Osasun Zerbitzu hori. Nolanahi ere, Osasun Zerbitzu honek epai horren aurkako errekurtsoa jarri zuen, semea aitaz arduragabetu zela adieraziz, eta beraz, orain ezin zezakeela kalte moralik erreklamatu. Epaitegi Gorenak erantzun zuen nahiz batzuetan familia barruko kideen artean urruntasuna sortu, une garrantzitsuetan normalean sentimenduzko loturak sortzen direla, eta kasu honetan, familiarentzat are iraingarria ere izango litzatekeela aitaren heriotzak inolako oinazerik sortu ez ziela adieraztea.
Lehen Instantziaren epaia berresteko, Epaitegi Gorena ospitaleko zerbitzuen arduragabekerian oinarritu da. Halaber deliberatu du ospitaleak gorpuaz "ahaztearen akats tamalgarria" egin zuela, eta kameran utzi eta hartaz guztiz arduragabetuz. Bada, horrek frogatu egiten du, Epaitegi Gorenaren arabera, osasun eta burokrazia arloko kontrolik eza, arduragabekeria zentsuragarria eta hildako pertsona batenganako errespetuzko oinarrizko sentimenduekiko utzikeria.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Copyright-i buruzko informazioa eta lege-oharra
CONSUMER EROSKIn zure datuen pribatutasuna oso garrantzitsutzat jotzen dugu, lege oharra. © EROSKI Fundazioa