Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Komunitateko lehendakariak eragotzi al dezake teilatuan TB antena paraboliko bat jartzea?

Antena paraboliko bat jarri nahi dut nire komunitateko teilatuan, zenbait telebista-kanal ikusi ahal izateko. Nire komunitateko lehendakariak eragotzi al dezake hori jartzea? Zein defentsa bide daukat eragozten badit? Antena paraboliko bat jartzea eskatzen duen telebista-kate batera abonatzea eragotzi al dezake?

1/1998 Errege Dekretu Legearen 9. artikuluak adierazten du bere azpiegitura jarri nahi duen pertsona partikularrak baimena eskatu beharko diola (hobe idatziz) komunitateko lehendakariari edozein obra hasi baino lehen. Lehendakariak hamabost egunen barruan erantzun behar dio eskatzaileari, kontuan izanik ezin dela inolako obra partikularrik egin eraikinean lehendik azpiegitura hori baldin badago edo hiru hilabete baino lehen horrelakorik jartzea aurreikusia badago edo berri bat instalatzea aurreikusia badago aipatutako zerbitzu horietara iritsi ahal izateko asmoz. Azpiegiturarik ez baldin badago edo une horretan dagoena ez bada hiru hilabeteren barruan egokitu behar edo interesaturik dagoen bizilagun horri telekomunikazio-zerbitzuak eskuratzea ahalbidetuko dion berri bat jarri behar ez bada, bizilagunak obra hori egin ahal izango du.

Telekomunikazio-azpiegituren instalazioa bateragarriak diren bi legetan oinarritua dago. Jabetza Horizontalaren Legeak, bere 17. artikuluan, telekomunikazio-zerbitzuetara iristeko azpiegitura komunen instalazioa arautzen du eta 1/1998 Errege Dekretu Legearen 9. artikuluak ezartzen du jabekideek eta maizterrek beren telekomunikazio-azpiegitura indibiduala instalatzeko eskubide indibiduala dutela, zenbait baldintzen arabera. 9. artikulu honek interpretazio ezberdinak egiteko atea zabalik uzten badu ere, indarrean dirau eta elementu komun batean azpiegitura hori instalatzeko eskubide indibiduala aitortzen du, betiere interesatuaren kontura. Artikulu honetan oinarrituz, badirudi nahikoa izango litzatekeela lehendakariari idatziz jakinaraztea, eta hark erantzun beharko lioke obra horretarako baimena emanez edo ez emanez, komunitatearen zirkunstantzien arabera. Nolanahi ere, uste dugu Jabeen Batzordeak erabaki beharko lukeela 9. artikulu honetan eskatutako betebeharrei buruz eta, halaber, elementu komunen arteko kokapenik onenari buruz.

Laburbilduz, Batzorde horrek, legezko betebeharrei jarraiki, baimendu egin behar du instalazio hori, baldin eta eraikinean telekomunikazio-azpiegitura komunik ez badago edo, egonda ere, eskatzaileak eskuratu nahi duen zerbitzua betetzeko egokia ez bada edo berririk instalatzen ez bada edo une horretan dagoena hiru hilabeteren epean egokitzen ez bada. Batzordeak justifikaziorik gabe ezezkoa ematen badu, erabakia horren aurka egin ahal izango da judizio bidez, eta bizilagunak antena parabolikoa instalatzeko eskubidea aitortzea eskatu ahal izango dio epaileari.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto