Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Nola jokatu errentarik, argirik, telefonorik eta argirik ordaintzen ez duen maizter baten aurrean

Joan den abuztuan, Marbellan dugun etxebizitza bat alokatu genion emakume bati. Lehen bi hilabeteak aurrez ordaindu zizkigun, baina horixe da orain arte ordaindu duen bakarra. Ez du ordaindu berak kontsumitutako argirik, ez telefonorik eta ez urik ere. Alokairu-kontratu hori urtebeterako egin zen, nahiz emakume horrek bi urtetarako nahi izan zuen, eta higiezin-agentzia baten bitartekaritzaz egin zen. Zenbait aldiz hitz egin dugu emakume horrekin, baina beti dio "datorren astean" ordainduko duela eta une hori iritsirik beste atzerapen bat eskatzen du. Zer egin dezakegu?

Etxebizitza bat errentan hartzeko garaian, kontuan hartu beharra dago, 1994ko Hiri Errentamenduen Legearen arabera, data horretatik aurrera egiten diren kontratuek gutxienez bost urteko indarraldia izango dutela. Baldin eta, dagokigun honetan bezala, erabakitako epea urtebetekoa bada, hitzarmen hori baliozkoa da, baina maizterrak eskubidea du etxebizitza horretan jarraitzeko, kontratua beste lau urtetan luzatuz. Legeak maizterrari eskaintzen dion ahalmen bat da hori, eta nahitaezkoa da jabearentzat. Errenta edota argia, ura, telefonoa... ordaintzen ez badira, lehen urratsa maizterrari horiek ordain ditzala eskatzea da, kontzeptu guztiengatik dagokion zorra adieraziz. Errekerimendu hori idatziz egin behar da, nahikoa konstantzia utziz: notario bidez edo jaso izanaren adierazpena duen telegrama bidez.

Maizterrak, halere, ez badu ordaintzen, epaitegietara jo dezakegu. Puntu honetara iritsirik, etxetik kanporatzeko demanda bat aurkeztuko dugu etxebizitza hori berreskuratzeko eta maizterrak alde egin dezala eskatzeko. Hori guztia, 1/2000 Judiziamendu Zibilaren Lege berriaren araberako ahozko judizio bidez. Errekerimendu frogagarria egin denetik lau hilabete igaro ondoren demanda aurkezten bada, maizterrak ezin izango du etxetik ez botatzeko ordaindu. Baina demanda hori lau hilabete baino lehen jartzen baldin bada, maizterrak etxetik kanporatzeari ihes egin ahal izango dio ordura arteko zor guztiak etxejabeari ordainduz edo behar den kopurua epaitegian edo notaritza batean ordainduz. Halere, lortu nahi dena zorrak kobratzea bada, etxetik kanporatu gabe kopuruak erreklamatzeko demanda aurkeztuko da.

Horrelakoetan, Judiziamendu Zibileko Lege berriaren epaiketa arrunt bat izango da erreklamatutako kopuru hori 500.000 pezetatik gorakoa bada eta ahozko judizio bidezkoa 500.000 pezetatik beherakoa bada. Kopuru hori 150.000 pezetatik beherakoa bada, berriz, epaiketa horretara abokaturik eta prokuradorerik gabe aurkeztu ahal izango da, hala nahi baldin bada. Kopuruen erreklamazioa bidezkoa izango da edo ez, maizterrak duen kaudimenaren arabera eta haren izenean dirua edo bestelako ondasunak bahitzeko aukeren arabera. Azken batean, aurrera egiteko beharrezkoak dira ordainketaren errekerimendu frogagarria eta judizio bidea.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto