Espainiako eski-estazioen % 40 aztertuta: Pistetako segurtasuna, urria

Eskiatzen ikasten hasteko eta konparaketako taula

• Monitorearekin ikasi. Onena adituaren eskutan jartzea da. Ondo ikasi eta maila ona lortu nahi badugu, beharrezkoa da hainbat urtetan hobekuntza-ikastaroak egitea.
• Gorputza prestatu. Mendira igo baino lehen, zertxobait prestatuta egon beharra dago. Hankak malgu eta sendo egotea komeni da. Eskiatu aurretik berotze eta luzatze-ariketak egitea ere garrantzitsua da.
• Eskiatzeko, gorputza babestu. Pistetan hotzetik babesteko modurik ohikoena geruzen sistema da: arropak kanpora ateratzen du izerdiak sortutako hezetasuna, baina gorputzaren berotasuna galdu gabe.
• Lehen pistetan gauzak lasai hartu behar ditugu, hau da, erlaxatzen eta gozatzen saiatu. Eskiatzen ikasteko, laguntza, entrenamendua, erorketak, pazientzia eta hainbat denboralditako praktika behar dira. Baina, dena dela, lehen egunetik hasiko zara gozatzen.
• Eskiak nola jantzi. Errazagoa da lautadan janztea aldapan janztea baino. Botaren zolako elurra kendu behar da, bestela bota ezingo da finkagailuan sartu. Ondoren, botaren punta finkagailuaren aurrealdean sartu eta bota eskiaren gainean zentratu. Botaren orpoarekin sendo sakatu behar da finkagailua itxi arte. Azkenik, finkagailuak botari ongi heltzen diola ziurtatu behar da.
• Lehen pistetan gauzak lasai hartu behar ditugu, hau da, erlaxatzen eta gozatzen saiatu. Eskiatzen ikasteko, laguntza, entrenamendua, erorketak, pazientzia eta hainbat denboralditako praktika behar dira. Baina, dena dela, lehen egunetik hasiko zara gozatzen.
• Eskiak nola kendu. Botaren finkagailua askatzeko mekanismoa botaren atzealdean dago. Beherantz sakatu behar zaio.
• Aldapan zutik egon: funtsezkoa da aldapetan zutik egoten jakitea. Erori edo labaindu gabe egoteko, beharrezkoa da gorputzari angelu egokia ematea eta eskien ertzetan euskarritzea.
• Erorketak: erortzean, diagonal bat egiten saiatu behar dugu eta eskiak maldan zeharretara jartzen ahalegindu.
• Edozein igogailutara igo baino lehen, beharrezkoa da segurtasunez kargatzen, muntatzen eta deskargatzen jakitea.
• Ur asko edan ez deshidratatzeko.
• Kontuz alkoholarekin. Eskia ez da bateragarria ez alkoholarekin ez drogekin.
• Norberaren mugak ezagutu eta onartu behar dira. Nekatu baino lehen gelditzea komeni da.
• Gogora dezagun garrantzitsuena ondo pasatzea dela, ez daukagu inori ezer erakutsi beharrik. Normala da ikasi nahi izatea eta gure buruari erronkak jartzea. Baina izan gaitezen errealistak; bestela, gure eta besteen segurtasuna arriskutan jarri ahal izango dugu eta.
• Mendi garaietako eguzkiak, hotzak eta tenperatura-aldaketa zakarrek bigarren mailako ondorioak sortzen dituzte, eta produktu kosmetikoekin arindu behar dira. Erabil ditzagun krema hidratatzaile aberats eta emolienteak.
• Egun osoa eskiatzen ibili eta gero, saia gaitezen gelan tenperatura handiegia ez izaten; hori saihesterik ez badugu, ez diezaiogun larruazalari kalte gehiagorik eragin janari oso beroak edo minak janez, eta alkohola eta kafeina alde batera utziko ditugu.
• Zenbat eta gorago joan eguzki-erradiazio handiagoa (ehuneko lau handiagoa altitudean 300 metro bakoitzeko). Eta kontuan hartzen badugu elurrak argiaren % 80 islatzen duela, oso erraza izan daiteke bizirik "kiskaltzea". Erabil ditzagun krema babesleak, batez ere izpien kontrako erabateko pantaila eskaintzen dutenak. Ez ditzagun ahaztu, halaber, ezpainetako baltsamoa eta begiak babesteko eguzkitarako betaurreko homologatuak.

KONPARAKETAKO TAULA

Tarifa hauek helduen eta goi-denboraldiko abonuenak dira

(*) 13:00etik aurrera

(**)14:00etatik aurrera

(1) 13.30etatik aurrera

(2) 12.30etatik aurrera

(3) Valdesquin ez dago denboraldirako abonurik

(1) Ponderazioan gainerakoek baino balio handiagoa izan dute bi atalek: bidegurutze arriskutsuen seinalizazioa eta sakanen aurreko babesa.

(1) "Pistak eta ordutegia" sailean hiru aldagai aztertu dira: eskiatzeko moduko kilometro kopurua guztira, pista moten arteko proportzioa zailtasuna kontuan izanda eta estazio bakoitzaren ordutegia.

(2) (3) Igogailuetan lau aldagai aztertu dira: igogailuen garraio-gaitasuna, teleaulki, teleaulki desenbragagarri eta telekabina kopurua..

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du