Autofokatzedun kamera trinkoak: Gutxirekin aski duen erabiltzaileak onartzeko moduko prestazioak

Zortzi argazki-kamera trinko automatiko aztertu dira. Horien prezioa 8.400 eta 10.950 pezeta bitartean dabil..

• Galdakizun handiegirik gabeko erabiltzailearen baldintza ohikoetan argazki onargarriak egiten dituztenez, denek betetzen dute erostunak espero zuena. Familia- edo talde-irudiak egiteko, edo txango zein bidaia bateko oroitzapena gordetzeko balio dute, baina reflex motako kamera (dezente garesti eta konplexuagoa) baten emaitzarik ezin dakieke eskatu..
• Probetan, prestazio hobeak eskaintzen dituelako, Canon Prima AF-8 lagina nabarmendu zen besteen gainetik: bera da denetan merkeena eta kalitate-prezio erlaziorik hoberenekoa.
• Kontsumitzailea- rentzako informazioa, erabiltzeko eta berme alorretako argibideak, zuzen daude lagin guztietan.
• Kamera hauen alderdi ahulak bisorea (fotografiatuko dena ez du zehatz-mehatz jasotzen) eta flasha (badakigu honekin jai dagoela, argi gutxirekin 2,5 metrotik aurrera zerbait argazkian ateratzeko) dira.
• Birbobinatze automatikoa Canon, Nikon, Minolta, Ricoh, eta Olympus laginek bakarrik dute. Informazio digitala ematen duen pantaila Minolta laginak bakarrik du. Bestetik, flasha piztean, begi gorriak ez ateratzeko funtzioa denek dute.