Osasun aseguruak eman ezin zituen prestazioak agintzen zituen

Kantabriako bikote batek aseguru etxe baten "Urrezko Poliza" (estaldura gorenekoa) kontratatu zuen 1984an. 1990eko amaiera aldera bularreko kartzinoma diagnostikatu zioten emakumeari. Ebakuntzaren gastuak aseguru etxeak ordaindu zituen, baina ondorengo erradioterapia tratamendua ez, beste autonomia erkidego batean egin zelako, garai hartan Kantabriako eritetxeek ere ez baitzuten tratamendu hori eskaintzen. Konpainiak ehun mila pezetako borondatezko konpentsazioa besterik ez zuen eskaini (borondate onaren adierazpen gisa eskaintzen dena, baina legeak derrigortu gabea).

Geroago, kimioterapia tratamendua egin behar izan zuen emakumeak, baina orduan ere ezin izan zuen Kantabrian hartu, aurreko aldiko arrazoi beragatik. Hitzartutako polizako klausula baten arabera, asistentzia Kantabriako probintziaren barruan eskainiko zen eta kontratatzaileei emandako zerrendetan agertzen ziren medikuen lan-sariak ere sartzen ziren.

Bikoteak demanda jarri zuen aseguru etxearen aurka eta Kantabriatik kanpoko tratamenduaren eta eritetxeko gastuak erreklamatu zizkion. Epaitegi Gorenak, 2000ko uztailaren 17ko epaian, arrazoia eman zien eta 9.609.533 pezetako kalte-ordaina eta interesak zor zitzaizkiela erabaki zuen. Gorenaren arabera, polizak babesturiko zerbitzuak eskaintzeko garai hartan Kantabrian metodo egokirik ez bazegoen, Aseguruetako Kontratuen Legeko 105. artikulua urratu zen, aseguru etxeak eskaini ezin zituen prestazioak hartu baitzituen bere gain.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du