- Kokapen honetan zaude: Hasiera > Paperezko bertsioa > Praktikoena > Epaiak
Auziek, nahiz eta antzekoak izan, epai ezberdinak izan ditzakete. Orri honek gure eremuko epaitegien epaiak jasotzen ditu, betiere, epai horiek mota guztietako produktu eta zerbitzuetako kontsumitzaile eta erabiltzaileengan eragina baitute. Antzekotasuna duten kasuen aurrean, frogak, inplikatutako aldeen egoera zehatzak eta baita auzitegiak berak ere epai ezberdinak eman ditzake.
Kirofanoko infekzioagatiko kalte-ordaina
Emakume batek Stafilococus aureus birusak eragindako infekzioa harrapatu zuen ebakuntza batean zehar. Infekzioaren ondorioz ezindurik egon zen 189 egunez eta bi orbain geratu zitzaizkion lepoan.
Emakumeari bi milioi pezeta eta interesak kalte-ordain gisa eman behar zitzaizkiola ebatzi zuen Epaitegi Gorenak, ezgaitasun denbora eta aztarnak kontuan izanik. Gorenaren iritziz, batzuetan arriskua eta kaltea sendagileen lanaren ondorio ekidinezinak direnez, gaixoak bere egin behar du arriskua, arriskuaren berri eman bazaio behintzat; baina kasu honetan frogaturik geratu zen osasun zerbitzuak ez zituela komeni ziren prebentzio neurriak hartu (antibiotiko bidezko tratamendua, esate baterako).
2000ko uztailaren 13ko epaiak jasotzen duenez, ez zen egiaztaturik geratu gaixoak jasan zuen kaltea ebakuntzaren ezinbesteko ondorioa zenik, eta beraz, gaixoak ez zuen hori jasan beharrik. Horrela, Andaluziako Osasun Zerbitzuaren erantzukizuna zenez, eskatutako kalte-ordaina ordaintzera behartu zuen Zerbitzua.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Copyright-i buruzko informazioa eta lege-oharra
CONSUMER EROSKIn zure datuen pribatutasuna oso garrantzitsutzat jotzen dugu, lege oharra. © EROSKI Fundazioa