Nabigatze-menua pasa eta edukietara joan

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Produktuen azterketak

^

Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.

Aldeak tamaina, zapore eta prezioan: Otarrainska izoztuak

Otarrainska izoztuak aztertu dira oraingoan: zazpi laginetako sei, 800 gramoko ontzian merkaturatzen dira eta bestea 400 gramokoan.

Merkeenak, kiloko 2.500 pezetaren azpitik, Delfín, Elmar eta Compesca dira; garestienak, Pescanova (3.575 pezeta kiloko). Antártida markakoak ere garesti dira, baina ez horrenbeste: 3.225 pezetan daude, kiloko. Barandica laginekoek moduko prezioa dute (2.656 pezeta kiloko) eta Krustasur, azkenik, 3.113 pezeta kostatzen delarik kiloko, garestietatik gertuago merkeetatik baino.

Otarrainska izoztuen zazpi laginak, banan-banan

Krustasur

  • 3.113 pezeta kiloko. Kalitate eta prezioaren arteko erlaziorik egokiena. Otarrainska handiak (48 ale kiloko). Aditibo antioxidatzaile gehien dauzkatenak (130 zati milioiko), legeak onartutakoaren azpitik, dena den. Egoera mikrobiologiko zuzena. Etiketa, hobetzeko modukoa: kalibre handia eta ertaina adierazten ditu. Dastaketan, 7,3 puntu: kolore egokia, itxura atsegin eta erakargarria. Tamaina polita, handia. Usain naturala. Zapore atsegina, goxoa, freskoa. Ukituari dagokionez, iritziak ez datoz bat (trinkoa, haragitsu-gogorra, gomatsua).

Antártida

  • 3.225 pezeta kiloko, bigarren garestienak. Legez, ontzi bakarrari onartzen zaion gehieneko okerraren mugan dabil (egiazko pisua 376 gramo den bitartean, laginaren etiketak 400 gramo adierazten du). Tamainaz, handienetakoak: 51 ale kiloko. Etiketa, hobetzeko modukoa. Dastaketan hoberena, 7,6 punturekin: kolore ona, naturala. Tamaina handia, zuzena. Itxura ona, erakargarria. Usain atsegina. Ukitu zuzen, trinkoa. Zaporeari dagokionez, iritziak ez datoz bat: suabea/geza.

Barandica

  • 2.656 pezeta kiloko. Erantsitako aditibo antioxidatzaileetan bigarrenak, legeak onarturiko gehieneko mugara iristen ez badira ere. Etiketa, oker: fabrikatzailearen helbidea eta elikagai ultra-izoztuetan derrigorrez adierazi beharrezko aipamen batzuk ez ditu jarri. Dastaketan, bigarren hoberena, 7,4 punturekin: itxura ona, naturala. Tamaina handia, zuzena. Usain suabea, zuzen, naturala. Ukitu zuzena, trinkoa. Zapore atsegina, naturala. Koloreari dagokionez, iritziak ez datoz bat: sakona/gorriegia, artifiziala; beste horrenbeste, ukituari dagokiola: trinkoa, ez oso trinkoa.

Pescanova

  • 3.575 pezeta kiloko, garestienak Krustasur laginarekin batera, otarrainska handienak: 49 ale kiloko. Aditibo antioxidatzaile gutxi (48 zati milioiko). Dastaketan, 6,2 puntu: tamaina, ona. Ukitua, zuzena eta trinkoa. Iritziak ez datoz bat itxurari (zuzen/hitsegia, zurbila, erakargarritasunik gabea), usainari (ona/motelegia) eta zaporeari (naturala/motela, ez oso atsegina) dagokienez.

Elmar

  • 2.356 pezeta kiloko, bigarren merkeenak. Otarrainska txikienak dira hauek: kiloan 69 ale sartzen dira. Aditibo antioxidatzaile gutxi (63 zati milioiko). Dastaketan, 6 puntu: ukitu trinkoa, zuzena. Iritziak ez datoz bat itxurari (arrosa kolorekoa, atsegina/zurixka, erakargarritasunik gabea), usainari (sakona, motela, ez da oso atsegina) zaporeari (naturala/motela, ez da oso atsegina) eta zaporeari (ona/ geza) dagokienez.

Compesca

  • 2.438 pezeta kiloko, merkeak. Otarrainska txikiak: kiloan 64 ale sartzen dira. Aditibo antioxidatzaile gutxien daukatenak (45 zati milioiko). Dastaketan, 4,4 puntu baino ez: kolore hitsa, horista, ez oso freskoa. Itxura atsekabea. Zaporea, ez oso atsegina, motela, geza, gexala. Iritziak ez datoz bat usainari (ona/motela) eta ukituari (trinkoa/ez oso trinkoa) dagokienez.

Delfín

  • 2.320 pezeta kiloko, merkeenak. Txikiak dira (64 ale kiloko). Dastaketan, okerrenak: 3,5 puntu. Itxura txarra, kolore hitsa, ez du erakargarritasunik. Ukitu belaxka, ez oso trinkoa. Zapore txarra, geza. Usainari dagokionez, iritziak ez datoz bat (ona, sakona/txarra, geza).

Orrialde-zenbaketa



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto