Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Aholkuak

Λ

Etxe-aldaketak: Enpresa ongi aukeratu eta lanak gainbegiratzea, garrantzitsua

Etxebizitza aldatzeak tramite ugari eta buruhauste asko sortzen du; etxe zaharretik berrira gauzak eramatea ere buruhauste bihur liteke. Horregatik, altzari eta gainerako gauzak garraiatzeko modua patxadaz eta ikuspegi praktikoz antolatzea komeni da. Funtsezkoa da garraioa egingo duen enpresa aukeratzen asmatzea (badira zerbitzu ona merke eskaintzen dutenak) eta prozesu osoa gainbegiratzea.

Pautak

  • Kontrata ezazu enpresa espezializatu bat. Eskatu aurrekontua enpresa bat baino gehiagori. Baina ez ahaztu lagun eta lankideei galdetzea: agian oso informazio baliagarria emango dizute aukeratzeko.
  • Ziurtatu mudantzetako enpresa legez eratua dela. Eska ezazu kontratu homologatua, enpresa Garraio Ministerioan eta jarduera horretan lan egiten duten Enpresen Erroldan inskribatuta dagoela egiaztatzen duena. Ez zaitzatela itxurarekin engaina. Kamioien itxura ez da kalitate, zintzotasun eta lan onaren bermea.
  • Eska ezazu aurrekontua idatziz. Enpresaren ordezkari batek bisita dezala zure etxea eta ezar ditzala etxe-aldaketaren baldintza eta kostuak.
  • Eska ezazu gutxi gorabeherako tarifa. Ez diezazutela gutxi gorabehera kobratu. Galde ezazu aurrekontuaren barruan zein zerbitzu sartzen diren: altzariak desmuntatzea eta ondoren enbalajea kendu eta berriro muntatzea, objektu hauskorrak ongi biltzea...
  • Azter ezazu enpresako langileekin gauzen inbentarioa garraioa egin aurretik eta gorde zerrendaren kopia bat.
  • Gauzak apurtu edo galtzea gerta daitekeela eta, eska ezazu garraiatzen den kargaren asegurua.
  • Gainbegiratu deskargako unea eta egiaztatu zure altzari eta ondasunak nola iritsi diren. Akatsik txikiena ere jasota utzi mudantzaren amaieran sinatzen duzun entrega-orrian edo enpresaren erreklamazio-orrian.
  • Ardurarik ez izateko, garaiz antolatu etxe-aldaketa. Zehaztu zein egunetan egingo den eta antolatu zeuk xehetasunak.
  • Bateratu ondasunen garraioa eta zeure bizileku aldaketa. Orain bizi zaren lekutik kanpora bazoaz, antolatu bidaia garaiz eta eskura utzi ondasunik premiazkoenak.
  • Ondasunik hauskorrenak eta balio gehien dutenak zuk zeuk eraman, ahal baduzu behintzat.
  • Zure ondasunen zati bat altzariak gordetzen dituen enpresa batean utzi behar baduzu, egiaztatu nola dauden garraioa egin aurretik. Egiaztatu enpresak baduela udal baimena eta sinatu sute edo lapurreten aurkako asegurua.
  • Adierazi etiketa batean kaxa bakoitzaren edukia eta zein gelatan utzi behar den. Gauzak kaxetan sartu aurretik garbitzen badituzu, gainera, azkarrago kokatu ahal izango dituzu gero bere lekuan.
  • Ahal baldin bada, altzariak desmuntatu eta bildu pieza guztiak bakoitza bere aldetik.
  • Kaxak ondo bete, gauzak barruan mugi ez daitezen. Baxera eta beirateria babesteko, bildu ale bakoitza paperean. Liburuak horizontalean jarri, ertzak honda ez daitezen.
  • Etxe-aldaketa aitzakia ona izaten da behar ez diren tresnak eta gauzak botatzeko.


Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto