Agure bat banketxeko eskaileretan erori eta hiru hilabetera hil egin zen

79 urteko gizon bat erori egin zen banketxe baten atarian eskubandarik ez zuten eskailera batzuetan. Izterrezurra hautsi zuen eta horren ondorioz hil egin zen hiru hilabete geroago. Alabek banketxearen aurkako demanda jarri zuten eta aitaren heriotzak eragin zien kalte moralagatik bosna milioi pezetako kalte-ordaina eskatu zuten. Begibistako jotzen zuten banketxearen zuhurtzigabekeria eskaileratan eskubandarik ez izateagatik, hain zuzen ere pertsonentzat lagungarri izatea baita horien funtzioa eta alaben aburuz, eskubanda egon izan balitz, erorketaren ondorioak txikiagoak izango zirelako. Baina Auzitegi Gorenak, 2000ko martxoaren 28ko epai bidez, ezetsi egin zuen hildakoaren alaben kalte-ordain eskaera, ezinezko baita heriotzaren eta banketxearen jokaeraren artean kausa-efektu erlaziorik ezartzea. Ez du zuhurtzigabeziatzat jotzen eskubandarik ez izatea (istripua gertatu ondoren jarri bazuen ere); eskailera horietan beste gertaera mingarririk ez zela gertatu eta erorketa zenduaren egoera psikofisiko kaskarraren ondorio izan zitekeela adierazi zuen. Esandakoagatik, banketxearen aldetik zabarkeriarik ez zela izan uste du Auzitegiak eta, beraz, alabek ezarritako errekurtsoa ezetsi eta kostuak ordaintzera kondenatu zituen.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du