Jaiegunak lanegun gisa kobratu zituen Telefónicak

Telefónica enpresak errekurtsoa aurkeztu zuen Burgosko Udalaren laudo arbitral bat indargabetzeko. Erabailtzaile batek 1999ko urtarrilaren 6an eta martxoaren 19an egindako dei batzuegatik ezarritako tarifagatiko erreklamazioa zen, dei horiei lagunegunetako tarifa ezarri baitzitzaien, erabiltzailearen ustez jaiegun izan arren. Eta kontsumitzaileak arrazoi zuen. Laneko Zuzendaritza Nagusiaren ebazpen bidez, egun horiek jaiegun izan ziren Gaztela eta Leonen.

Burgosko Lurralde Auzitegiak (2000ko urtarrilaren 5eko epaian) dio erabiltzailea ez dagoela derrigorturik -Telefonicak zioen bezala- egun jakin batean jaiegunetako tarifa ezarriko den ala ez informazioa eskatzera. Konpainiaren aburuz, okerreko erantzuna ematen badu bakarrik sortzen zaio enpresari erantzukizuna. Baina Auzitegiak dio ez zela beharrezkoa kontsumitzaileak Arreta Pertsonalerako 1004 Lineara deitu eta egun horiek jai ziren ala ez galdetzea, izan ere, arrazoi osoz pentsa baitaiteke egun horietako tarifa jaiegunetakoa izango zela. Horrenbestez, Telefonicari egotzi zizkion errekurtsoaren kostuak; erreklamazioaren zenbatekoa hain txikia (736 pezeta) izanik, jokaera moderatu eta zuhurragoa zen arbitrajeko ebazpenarekin konformatzea eta horren kopuru txikiko errekamazioa eragin publikoko gisa ez planteatzea.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du