Etxebizitza eraiki berrian hondamena

Etxebizitza eraikin berri batean fatxadako estaldurako plaketak erori, garajean eta fatxadan hezetasun arazoak eta eraikinaren elementu teknikoetan akatsak agertu ziren. Jabeen komunitateak enpresa sustatzailea, arkitektoak eta aparejadoreak demandatu zituen. Auzitegi Gorenak, 1999ko abenduaren 23ko epaian, arkitektoak jo zituen erantzule, obra batean arkitektoek parte hartzea garantia tekniko eta profesionala baita eta horiei dagokie obraren exekuzioa zaintzea.

Arkitektoen proiektuak balizko eragin kaltegarri horiek aurreikusten bazituen eta horiek ekiditeko neurriak ere proposatzen zituen arren, fatxadaren estaldura erortzearen arrazoia plakak ongi jarrita ez egotea izan zen, exekuzio proiektua errespetatu gabe egin baitzen lana. Gorenak enpresa sustatzailea eta aparejadoreak ere erantzule egiten ditu, eta fatxadako akatsak konpontzera kondenatu, baina ez gainerako akatsak, probarik ez zegoelako. Gorenak dio ez zela probaturik geratu hezetasun arazoak eraikuntza akatsen ondorio izan zirenik, edo jabeen zuhurtzigabeziak eragin ote zituen, hustubideak ez garbitzeagatik euri ura pilatzen utzi zutelako.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du