Aterpetxeko balkoi batetik bestera salto egiten saiatzean hil egin zen

Frantsesezko ikastaro bat egiteko aterpetxe batean oporretan zegoela, neska gaztetxo bati afaritarako dei egin zioten, eta beste lagun baten logelan zegoen. Errietarik ez entzutearren, bere logelara joateko balkoitik balkoira salto egitea erabaki zuen, metro bateko tartea zegoen arren. Salto egitean erori eta hil egin zen. Balkoiak aterpetxeko atzeko aldera begira zeuden eta eskubanda zuten, baina inolako oztoporik ez batetik bestera salto egiteko, ez baitzuten alboetako babesik; akats hori zuzendu egin zen istripuaren ondoren. Auzitegi Gorenak, 1999ko abenduaren 30eko epaian, adierazi zuen neskak 13 urte zituenez bazuela adina balkoi batetik bestera salto egitearen arriskuaz jabetzeko, baina hala ere, Institut Catalá de Serveis a la Joventut erakundea ere ez dela ardurarik gabe geratzen, ez baitzuen behar adina segurtasun neurri hartu, erabiltzaileak gazteak direla eta arriskuaren aurrean arinkeriaz joka dezaketela jakinda. Auzitegiak dio gazteekin lan egiten duen erakunde batek edozein gertaera txar ekiditeko behar diren segurtasun neurriak izan behar dituela. Beraz, Institut jotzen du istripuaren erantzule, hildakoarekin berarekin batera. Epaiak ez du zehazten kalte-ordainaren zenbatekoa.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du