Ondorio larriak gimnasia eskolako istripuan

Tranpolin elastikoaren gainean jauzi egitean gaizki erori eta koltxoneta jo zuen kokotsez BBBko lehen ikasturteko ikasle batek eta "elbarritasun handiko" sekuelak izan zituen. Ikasleak demanda jarri zuen gimnasiako irakaslearen, Institutuko zuzendariaren, Andaluziako Juntako Hezkuntza Sailburuaren eta ikastetxeko aseguru etxearen aurka. Epaitegi Gorenak, 1999ko abenduaren 22ko epaian, istripua ariketa agindu eta gidatzen zuen irakaslearen zorroztasunik ezak eragin zuela ebatzi zuen. Epaiaren arabera, irakasleak ez zituen hartu arriskurik ez izateko zuhurtziak agintzen dituen arreta eta segurtasun neurriak. Besteak beste honako hauek aipatzen ditu epaitegiak: ikasleen adina, aparatu mota, ariketaren arriskua -izaten den erorketa kopurua eta ikasleek ariketa horren aurrean izaten duten beldurra kontuan izanda- ariketa oso zaila dela, ariketa egiteko teknikarik eza eta horren ondorioz ahozko azalpen hutsa baino prestakuntza hobearen beharra, salto egin ezean ikasgaia ez gainditzeko beldurra eta irakaslea salto egiten zen lekutik hurbilago ez egotea. Ondorioz, entzutegiak 120 milioi pezetan finkatu zuen kalte-ordainaren kopurua ikasleari geratu zitzaizkion sekuela fisiko eta psikiko larriak kontuan izanda.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du