Abatz-estalkiak istripua eragin zuen autopistan

Gidari batek istripua izan zuen Bilbo-Behobia autopistan zihoala, abatz-estalki batek aurreko luna jotzearen ondorioz. Autoaren aseguru etxeak istripua babestu zuen eta, geroago, bere aseguratuaren posizioan subrogaturik, autopistaren enpresa kontzesio-hartzailearen kontrako salaketa jarri zuen, kontratu bidezko erantzukizunagatik. Gipuzkoako Entzutegiak (1999ko irailaren 21eko epai bidez) adierazi zuen ordainpeko autobideei buruzko 1972ko maiatzaren 10eko Legeak dioela kontzesio-hartzaileak errepidea, bertarako sarbideak eta arauzko seinaleztapen eta zerbitzuak egoera onean zaindu beharko dituela eta erabiltzaileei eragozpen, deserosotasun eta trabak eragingo lizkiekeen arrazoiak desagerrarazi behar dituela.

Horregatik, eta bidesaria ordaintzen duen erabiltzailearen eta autopistako enpresaren artean kontratu-harremana dagoenez, enpresa derrigortuta dago zirkulazio arina, azkarra eta arrisku gabea bermatzera. Planteamendu horrekin, abatz-estalkiaren kolpearen zergati-efektu erlazioa frogatuta geratu zenez, Entzutegiak Kode Zibileko 1104. artikulua aplikatu zuen eta autopistako enpresak ezer frogatzerik izan ez zuenez eta gertakaria aurreikusi ezin zelako, ustekabeko kasua zela alegatu zuenez, zerbitzuaren ustiapenaren ondoriozko arriskuak bere gain hartu behar dituela kontsideratu zuen epaileak. Eta beraz, errudun jo zuen Europistas enpresa.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du