- Kokapen honetan zaude: Hasiera > Paperezko bertsioa > Gaurkotasuna eta aisia > Produktuen azterketak
Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.
Labe-garbikariak: Eraginkortasunak badu prezioa
TweetAerosolean salgai aurkezten diren lau labe-garbikari aztertu dira: Noxon, Mr. Forza, Express eta Chevy Four
Laburbilduz
- Aerosolean ontziratutako lau labe-garbikari aztertu dira: Noxon, Mr. Forza, Express eta Chevy Four. Prezio batetik bestera sekulako aldeak daude: garestienak (Mr. Forza eta Noxon), litroko 1.000 pezeta eta gehiago kostatzen diren bitartean merkeenaren (Chevy Four) prezioa 398 pezetakoa da, litroko.
- Kalitateak badu prezioa: bi garestienak dira hoberenak, denek emaitza egokiak eskaintzen badituzte ere.
- Garbiketa-saioak, produktua aplikatu zenetik ordu erdira eta zortzi ordutara, ikazturiko azukre- eta koipe-hondarrekin burutu ziren. Emaitzarik onenak, askozaz ere, Noxon laginak (bigarren garestiena) lortu zituen.
- Garbiketa egin aurretik, labe-garbikariak zortzi orduz beratzen uztea komeni da: bi klaseetako orbanak garbitzean eraginkorrago dihardute horrela produktuek, koipearen aurka batik bat.
- Azalera pintatu edo bernizatuetan zein aluminiozkoetan ez dira erabili behar; ezta katalisi sistemaz diharduten edo bere burua garbitzen duten labeetan ere.
- Neurriak hartu behar ditugu labe-garbikari hauek erabiltzean. Laurak ere biziki suharberak dira, butano-isobutano-propanoak osaturiko gasa propultsatzaile gisa darabiltelako. Chevy Four eta Express laginek jakinarazten dute beren osakera narritagarria dela; Noxon eta Mr. Forza laginek, berriz, korrosibotzat jotzen dute beraiena.
- Kalitate-prezio erlaziorik hoberena Noxon da, gehien garbitzen duena, alegia. Garestia da, ez Mr. Forza bezainbestekoa, baina bi merkeenak baino askozaz ere eraginkorragoa, inondik inora. Prezio txikienekoetan, hobe Chevy Four aukeratzea, Express baino dezente eraginkor eta merkeagoa delako.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Bigarren mailako beste zerbitzu batzuk
Copyright-i buruzko informazioa eta lege-oharra
EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa