Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Aseguru etxeak bezeroaren aurretiko lesioa argudiatu, osasun zerbitzua ez ordaintzeko

Mendian ibiltzea oso gogoko dudanez, diru baliabiderik izan dudanean behintzat istripuen kontrako asegurua egin izan dut. Duela gutxi belauneko lesio bat eduki dut, baina nire harridurarako, aseguru etxeak ez du mediku laguntza bere gain hartu (medikuarenera bisita ugari eta erresonantzia magnikoa egin ondoren, barne-meniskoaren atzealdeko adarraren haustura diagnostikatu didate). Aseguru etxeak ez dit asistentzia hori ordaindu nahi, nire belauna asegurua kontratatu aurretik lesionaturik zegoela esanez. 1991ean ebakuntza egin zidaten belaun horretan eta hala jakinarazi nuen medikuaren lehen azterketan, 1999ko martxoan; baina horregatik ez nion utzi mendian ibiltzeari. Orain medikuntzako profesional batzuen eskuetan nago, neure patrikatik ordainduta, jakina, eta aseguru etxearen kontra ezer egin ote dezakedan jakin nahi nuke.

 Gaixotasun edo istripu kasuetarako aseguru poliza indarrean, eta arrisku hori estalita duzunez, osasun zerbitzuaren prestazioa edo gastuen ordaina jasotzeko eskubidea duzu, printzipioz, aseguru etxearen alegazioak justifikatuak ez badira behintzat. Aseguru etxeak oraingo istripuaren eta duela zortzi urte izan zenuenaren artean harreman zuzena dagoela esateak ez du esan nahi oraingo ezbeharra babestetik salbu geratzen denik. Hala ere, kasu honetan medikuei galdetzea komeni da; izan ere, baliteke oraingo lesioak aurrekoarekin inolako zerikusirik ez izatea, are gehiago bizimodu normala egin eta mendian ibiltzeko aukera izan baduzu.

Gainera, gutun egiaztatua bidal dezakezu aseguru etxera -hartu izanaren egiaztagiri eta guzti-, eta estaldura ukatzeko arrazoiez eta mediku txostenari buruz azalpenak eskatu. Aseguru etxeak aseguratuaren eskubideen klausula murriztaileren bat alegatuko balu, hori onartu eta sinatu egin zenuela egiaztatu beharko duzu. Hala ez bada, ustezko klausula hori baliogabea izango litzateke eta ez litzateke ezarri ahal izango (Aseguru kontratuen Legeko 3. artikuluaren eta jurisprudentzia sendo baten arabera). Eta aseguru etxeak argudio gisa asegurua egiteko unean edo ohitura eta osasunari buruzko galdetegia betetzean bezeroak bere osasun egoerari buruzko datuak ez zituela eman (ezkutatu egin zituela) esaten badu, gogorarazi Aseguruen Kontratuen Legeko 10.

artikuluak aseguratzaileari egia erantzutera mugatzen duela bezeroaren betebeharra (baina aseguruaren eskatzailea ez dagoela derrigortuta arriskuen balorazioan eragina izango luketen gorebeheren berri ematera). Horrenbestez, aseguru etxeak galdera egokiak egin ez bazituen, bezeroak ez luke isiltzearen ondoriozko erantzukizunik izango. Aipatutako 10. artikulu horretan jasotako zigorrak zehaztasunik gabeko erantzunen kasuan edo datuak maltzurkeriaz ezkutatu direnean bakarrik ezarriko lirateke. Azkenik, jurisprudentziak dio informatzeko betebeharraren ordez, aseguratzaileak zorroztasuna erakutsi behar duela mediku azterketak edo galdetegiak pasatzean. Laburbilduz, hainbat gestio egitea izango litzateke egokiena, epaitegi bidezko erreklamazioak arrakastarik izango lukeen ala ez jakiteko: medikuaren balorazioa, -epaiketan adituen txostena bezeroaren aldekoa izango litzatekeen jakiteko-, polizaren kontratuko baldintzen azterketa, klausula murriztaileak bereziki nabarmendu eta sinatu diren egiaztatu, bezeroak aseguru etxeari bere osasun egoeraz eman zizkion datuen kontrola, eta hori guztia, ustez izan behar lukeen fede onaren printzipioarekin ponderatzea.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto