Nabigatze-menua pasa eta edukietara joan

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Txostena

^

Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.

Gabonetan, ustekabekorik ez: Elikagaiengatiko toxiinfekzioak, baita Eguberritan ere

Eguberrietan mahai oparo baten inguruan senitartekoak biltzea oso ohitura sustraitua da gure artean

Gozokiak: erne krema eta esnegainekin

Toxiinfekzioekin gehien lotzen den Gabonetako gozogintza, esnegainez edo krema pasteleraz barrubeterik dagoena ohi da. Esnegaina arrunt galkorra da, erraz kutsatzeko modukoa, maneatzen dutenek higiene-neurri zorrotzak betetzen ez badituzte. Krema pastelera -produktu egosia den aldetik, arazorik sortu beharko ez lukeen arren-, arrautza gordinak maneatzen dituzten lantegi eta sukaldeetan egosi ondoren, zeharkako kontaminazioaren eragile izan liteke. Turroiek, mazapanek eta data hauetako beste gozokiek osasun-alorreko arriskurik ez duten arren, kaloria asko dituzte eta liseriketa astunekoak dira: beraz, neurri-neurriz hartu behar dira. Pertsona diabetikoek eta obesoek, berebiziko arreta agertu behar dute horien aurrean.

Aholkuak:

  • Arrautzadun postreren bat egin behar baduzu, luma edo zirinen arrastorik daukaten edo hautsita dauden arrautzak baztertu itzazu. Ez garbitu uretan: oskola porotsua duenez, hezetasunak lagundu egiten du bakterioak arrautzaren barnean sartzea.
  • Eduki hozkailuan esnegain eta kremak. Etxean eginikoak baldin badira, kontsumitu lehenbailehen: inola ere ez, egin direnetik 24 ordu baino gehiago pasa ondoren.
  • Urdaila astun ez izateko, turroiak eta egun hauetako gozoki horiek luze mastekatu behar dituzu, ongi xehatu eta listuztatu.
  • Ospakizun hauetako bazkari eta afariei amaiera emateko, har ezazu frutaz osaturiko postrea. Bitamina-iturri oparoa izateaz gainera, fruta laxantea da, hots, proteina eta gantz ugari baina landare-zuntz gutxi daukaten otorduen bukaera ezin aproposagoa.

Hondarrak, arrisku iturri

Eguberritako janari naroetan ohikoa da generorik sobratzea, baita hurrengo otorduetan gustura asko hori dena kontsumitzea ere. Horrelakoetan, jakiak lehenbailehen hoztu behar dira, arazorik izan ez dadin. Zuhurtziak agintzen du kontsumituko dena baino askoz kopuru handiagorik mahaira ez ateratzea. Bidezkoa da, nolanahi ere zerbitzatu aurretik, jan behar dena eta sobratuko dena bereizi eta berehala hozkailuan sartzea. Hona beste segurtasun-neurriren bat:

  • Itxura on-ona ez duten edo zuregan mesfidantza sortzen duten elikagaiak, duda-izpirik gabe, zakarrontzira botatzea.
  • Kontsumitu behar diren elikagaiak bakarrik berotzea. Janari bat behin baino gehiagotan berotu eta hozteak elikagaiari nutrizio-kalitatea urritu eta kutsatzeko erraztasuna areagotu egiten diote.
  • Ez gorde egun batetik besterako maionesa edo antzeko saltsa-hondarrik, ezta hozkailuan ere.
  • Ez kontserbatu tortila edo arrautza gordin edo gutxi egina daukaten elikagaiak ere.
  • Latako produktuak, ontzia irekiz gero, ez dira esteril. Gorde estalkidun ontzian, hozkailuan.
  • Xerretan ebakitako hestekiak errazkiago kutsatzen dira. Bildu edo estali itzazu eta eduki hotzetan.
  • Gorde beti hozkailuan pastelak, krema pastelerak, flanak, natillak, etab.

Helburua: Eguberriak osasuntsu izatea

  • Erosi bakarrik osasun-garantia osoko elikagaiak. Eraman eta gorde era egokian.
  • Ez bete leporaino hozkailua, aire hotzak elikagai tartean ibili behar du eta. Antola itzazu apalak multzoka: esnekiak, haragiak, fruta eta barazkiak, etab. Eduki hozkailuko tenperatura 0º eta 5º C bitartean: horrela, elikagaietan mikroorganismoak ugaltzea galaraziko duzu.
  • Zeharkako kutsadurarik gerta ez dadin, bereiz itzazu elikagai gordinak eta prestatuak. Antola itzazu gordinak hozkailuaren behe aldean eta sukaldean prestatutakoak goiko apaletan.
  • Elikagaiak egun batzuk lehenagotik prestatzen badituzu, bereizi kopuru txikitan eta izoztu itzazu berehala. Bezperatik prestatzen diren platerek aski dute hozkailuan hoztea.
  • Elikagai bat desjelatu baldin bada, kontsumitu lehenbailehen. Ez jelatu berriro, inola ere.
  • Jaki bat prestatu edo berriro berotzean, erdialdeak 65º C-raino iritsi behar du: horrela saihets egingo duzu mikrobioen ugalketa.
  • Funtsezkoa duzu higiene pertsonala zorrozki betetzea. Garbitu eskuak maiz, komunera joan ostean eta elikagai gordinak maneatu edo etxeko "laguna" (katua, txakurra, etab) ukitu ondoren, batez ere. Ez erre, inola ere, elikagaiak maneatzean.
  • Elikagaiak prestatzen ari zaren bitartean eta ondoren, garbitu maiz sukaldeko azalera eta tresnak.
  • Aldatu eta garbitu sarri sukaldeko zapia: germenek igorgailu maitea dute eta.
  • Otorduan zehar ez edan likido gehiegi (ezta ur larregi ere), neurriz gaineko horrek liseriketa eragotzi egiten baitu, zuku gastrikoak ahuldurik gertatzen direlako egoera horretan.
  • Alkoholik edatekotan, edan ezazu neurriz. Alkoholak kaloria ugari eduki eta urdaila kaltetzeaz gainera, gehiegi edateak intoxikazio etiliko larria eragin diezazuke. Ez ahantzi: edan baduzu, ez eseri bolantean.

Orrialde-zenbaketa



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto