- Kokapen honetan zaude: Hasiera > Paperezko bertsioa > Gaurkotasuna eta aisia > Produktuen azterketak
Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.
Altzari-garbikariak: Garestia izanagatik, ez da hobea
TweetAltzari-garbikarien sei lagin aztertu dira: Pronto, Clen, O'Cedar, Fixpolvo, Pot Ent eta Politus. Ontzien edukia (aztertutako laginetatik bost, aerosol ziren eta bestea, pistola langargailua) aldatu egiten da, laginetik laginera, 300 eta 400 mililitrotan; prezioen aldeak, halaber, handiak dira: merkeena (Pot Ent) 450 pezeta kostatzen da litroko; garestiena (Clen), ostera, 1.320 pezeta litroko. Produktu hauen eginkizuna, egurrezko altzariak garbitu, babestu, zaindu eta distirante uztea da.
Laburbilduz
- Sei altzari-garbikari aztertu dira: Pronto, Clen, O'Cedar, Fixpolvo, Pot Ent eta Politus. Horietatik bost, aerosoletan aurkezten dira eta bat (Clen) pistola langargailuan. Prezio batetik besterako aldeak nabarmenak dira: merkeena, Pot Ent, 450 pezeta kostatzen da litroko; garestiena (Clen), 1.320 pezeta litroko.
- Denek betetzen dute beren eginkizuna. Azpimarratzekoak, O´Cedar eta Pronto, guztirako kalifikazioan "oso egokia" lortu zuten bakarrak, alegia. Ondotik Fixpolvo zetorkien, "egokia" gertatu zelarik osoko kalifikazioan.
- O´Cedar, Fixplovo, Pot Ent eta Politus laginen segurtasuna hobetu egingo litzateke propelentetzat erabiliko ez balituzte butano edo propanoa bezalako gai suharberak. Alderdi horretan hoberenak Pronto (airea baitarabil propelente gisa) eta Clen (propelenterik gabea) dira.
- Altzariaren distiraren bilakaeran Clen beste produktuen azpitik dabil; beste horrenbeste gertatzen zaio Politus laginari, altzariaren labaingarri-itxurari dagokionez.
- Pronto eta O´Cedar laginek agertu zuten distirarik onena. Altzariaren babesik eraginkorrena Politus markakoak ematen du: honen formula oliotsuak urari pasabidea eragozten dio eta.
- O´Cedar dugu kalitate-prezio erlaziorik egokiena, merkea baita (940 pezeta litroko) eta kalitate on-onekoa. Beste aukera polit bat Pot Ent da, merkeena denetan (450 pezeta litroko) eta eginkizuna akatsik gabe betetzen duena.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Bigarren mailako beste zerbitzu batzuk
Copyright-i buruzko informazioa eta lege-oharra
EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa