Telebistako lehiaketako saria ez zuen jaso

 Teletrébol izeneko tresna bat erosi ondoren, ikusentzule batek Tele 5eko "Querida Concha" programako lehiaketan parte hartu zuen etxetik. Sari gisa Mercedes 190 auto bat irabazi zuen, baina ez zuen autorik jaso eta lehiaketa antolatzen parte hartu zuten entitate guztien aurkako salaketa jarri zuen. Epaiketan kondenatu egin zituzten guztiak izaera solidarioz, ibilgailua entregatzera edo bestela, merkatuko balioa ordaintzera. Tele 5ek epaiaren aurrean gora jo zuen, lehiaketa emititu besterik ez zuela egin eta sariak emateko ardura erakunde antolatzaileek zutela argudiatuz. Hala ere, Asturiasko Lurralde Auzitegiaren aburuz, (1999ko maiatzaren 24ko epaia) esku-hartzaile guztiek erantzun behar dute lehiakidearen aurrean, Tele 5 barne, programaren iragarkiak eta Teletrébel-aren arau-liburuskak lehiaketak kate pribatu horren ardurapeko gisa aurkezten baitzituen, hau da, publizitate horretan Tele 5 antolatzaile gisa agertzen zen. Epaitegiak Kontsumitzaileen Defentsarako Lege Orokorreko 8. artikulua aplikatu zuen: artikulu horrek engainuzko publizitate eskaintza horren erantzule zein den argitzen ez duen arren, helburua engainuzko publizitateak kontsumitzailearengan sortu dituen espektatibak asetzea delako.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du