Txekea itzultzeagatik bankuaren komisioa

Banketxe batek 2.000 pezetako komisioa eta posta gastuengatik 35 pezeta kobratu dizkit txeke bat itzultzeagatik. Hala ere, banketxe bietako sukurtsuletako zuzendariekin kontsultatu ondoren, ordainketa egin ahal izateko adina diru kontuan bazegoela frogatu da eta beraz, banketxeen akatsa izan zela. Hiru egun geroago txekea kobratu egin zen, baina komisioa itzultzea eskatu dudanean, banketxeetako araudiari jarraituz gastu hori ezarri beharra duela erantzun dit banketxeak. Ilegala deriotz arau hori hautamenez ezarri izanari eta hauxe da nire galdera: legezkoa al da hiru egunengatik interesak kobratzea?

Txekea itzultzeagatik banketxeek komisioa kobratzea formaki praktika zuzena da, zenbatekoa entitate bakoitzak ezarrita duena baldin bada. Hala ere, kasu honetan gertatzen diren zirkunstantziek aukera emango lukete komisioa kobratzea banketxearen akatsez egin dela uste izateko (kontuan dirua zegoelako) eta horrek kaltea eragiten diola erabiltzaileari; Kontsumitzailearen Lege Orokorraren arabera, abusuzko praktika da hori. Orain, inplikaturiko banketxeetako Bezeroaren Defendatzaileen aurrean erreklamazioa aurkeztu behar zenuke eta ezetsiko balute edo erabakirik gabe bi hilabete pasako balira, jo ezazu Banco de España-ko Erreklamazio Zerbitzura (Alcalá, 50. 28014 Madril). Antzeko gertaeren aurrean, banketxeen gestio okerragatik bezeroak kaltetzea ez dela zuzena erabaki izan du zerbitzu horrek eta banketxeak ez duela irabazirik atera behar akats baten ondorioz gertatu dela frogaturik badago, akatsa administraziokoa zein mekanikoa izan.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du