- Kokapen honetan zaude: Hasiera > Paperezko bertsioa > Gaurkotasuna eta aisia > Produktuen azterketak
Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.
Kafe disolbagarrien: Lurrin-zaporeak, aztergai
TweetBerrehun gramoko paketean salgai dauden kafe disolbagarrien zortzi lagin (Marcilla, Cafetal, Columba, Café 154, Porto Vehlo, Nescafé, Baqué eta Fortaleza) aztertu dira. Prezioak 1.895 pezetatik (Porto Velho) 3.483 pezetara (Nescafé) doaz.
Laburbilduz
- 200 gramoko ontzietan salgai dauden kafe disolbagarrien zortzi lagin aztertu dira. Horien prezioak, kiloko, 1.895 pezetatik (Porto Vehlo) 3.483 pezetara (Nescafé) doaz.
- Horrelako kafea erdiesteko, kafe txigortu eta ehotuarekin eginiko infusioa hartzen du industriak abiagune: infusio horri, osagai disolbagarriak erauzten dizkio gero.
- Osaketa berdintsua eta arautegiak xedatutakoaren araberakoa da, zortzi laginetan ere.
- Kafeina dela medio, kaferik ez hartzea gomendatzen zaie emakume haurdunei. Kaferik ez dute hartu behar, era berean, botika antiasmatikoak hartzen dutenek eta tiroide-hormonen bidezko osasun tratamenduan daudenek. Oso neurriz kontsumi dezakete lasaigarri eta antidepresiboak hartzen ari direnek eta, jakina, gastritis edo liseriketa-aparatuko bestelako gaitzen bat pairatzen dutenek ere.
- Dastaketan, sei laginek 5na puntu lortu dituzte, PortoVehlo laginak (usain motela) 4 puntu eta Cafetal (zapore eta usain motelak) markakoa 3 puntutan geratu zen. Dastatzaileek kafea uretan disolbaturik eta azukrerik gabe hartu zuten: dastatzeko era horrek eragina izango zukeen, noski, emaniko kalifikazioaren apalean.
- Garautan, ehotu edo disolbagarriarekin prestaturiko katilu bat kafek daukan kafeina-kopurua, gure datu bibliografikoen arabera, oso antzekoa da. Agerpen komertzialak baino garrantzi handiagoa du, alderdi horretan, kafearen barietateak eta katiluan ezarri dugun kafe-kopuruak.
- Dastaketan hoberenak, erosteko garestienak izan ziren; prezioak zihoazen kiloko 2.435 pezetatik (Café 154) 3.483 pezetaraino (Nescafé). Kalitate-prezio erlaziorik egokiena Café 154 laginak eskaini zuen. Prezioari garrantzi handia ematen dionarentzat, aukera polita Porto Vehlo da (1.895 pezeta kiloko).
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Bigarren mailako beste zerbitzu batzuk
Copyright-i buruzko informazioa eta lege-oharra
EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa