- Kokapen honetan zaude: Hasiera > Paperezko bertsioa > Gaurkotasuna eta aisia > Produktuen azterketak
Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.
Opil, kruasan eta pasteltxo txokolatedunak: Horiek baino askoz egokiago, betidaniko otartekoa
Haurrek bereziki kontsumitzekoak izaki, opilgintza industrialeko bederatzi produktu txokolatedun aztertu dira. Horietako bi (Bimbo-ko Bimbocao eta Panrico-ko Bollycao) txokolatez beteriko opilak dira; beste hiru (Mildred-eko Diver-Croissant; Croissants Martínez, eta Cronellos La Bella Easo) txokolatez beteriko kruasanak; eta gainontzeko laurak, azkenik, txokolatez barrubeteriko pasteltxoak (Bimbo-ko Círculo Rojo, Panrico, Milka-ko Tender eta Phoskitos). Pisu garbia 268 gramotatik 120 gramotara doa. Eta ontziko eskaintzen diren aleen kopurua ere desberdina da (3tik 6ra bitartekoa).
Laburbilduz
- Opilgintzako bederatzi lagin aztertu ziren, denak ere txokolatez barrubeterikoak: horietako bi, opilak ziren, hiru, kruasanak eta lau, pasteltxoak.
- Haurren dietan ez da komeni horrelako elikagaiak sartzea: karbohidrato eta gantz (%16-%30) ugari dauzkatela, proteina urri dute baina kaloria asko (400 - 500 kaloria 100 gramoko). Honelako opilek, ohiz behintzat, ez dute izan behar (hesteki, txokolate, gazta edo, adibidez, kontserbako sardinez egindako) betiko otartekoaren ordezko, hauek dezente gutxiago gizentzen baitute gozokiek baino. Meriendarako osagarri bikaina fruta da, esate baterako, bitamina, mineral eta zuntz ugari dituelako: elementu hauek ezinbestekoak dira haurren hazkuntzan.
- Panrico, Phoskitos eta Tender (Milka) pasteltxoek gantz-azido saturatu gehiegi (%60tik gora) dituzte: beraz, oso neurriz kontsumitu behar dira, odoletako kolesterola altxa egiten dutelako. Beste laginetako gantzen osaketa egokiagoa da baina Martínez eta La Bella Easo marketako kruasanek gantz-mota desberdinen arteko proportzioa hobetu egin lezakete, guztiaren %40 baino gehiago saturatuak baitira. Azkenik, Bollycao, Bimbocao, Círculo Rojo eta Croissant Mildred dira osasuntsuenak.
- Bederatzi laginetan, kalitate-prezio erlaziorik onena Bollycao (Panrico) produktuak agertzen du, mutrizio-osaketa ona daukalako (gantz gutxi edukitzeaz gainera, saturatuen proportzio txikiena du), kontserbakaririk ez baitu eta dastaketan mahaikideen gustukoa izatearren. Merkeak dira (849 pezeta kiloko), gainera. Bimbocao ere aukera polita da. Kruasan txokolatedunetan, aukera egokiena Diver Croissant (Mildred) da, eta pasteltxoetan, azkenik, Círculo Rojo (Bimbo).
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Copyright-i buruzko informazioa eta lege-oharra
CONSUMER EROSKIn zure datuen pribatutasuna oso garrantzitsutzat jotzen dugu, lege oharra. © EROSKI Fundazioa