- Kokapen honetan zaude: Hasiera > Paperezko bertsioa > Praktikoena > Epaiak
Auziek, nahiz eta antzekoak izan, epai ezberdinak izan ditzakete. Orri honek gure eremuko epaitegien epaiak jasotzen ditu, betiere, epai horiek mota guztietako produktu eta zerbitzuetako kontsumitzaile eta erabiltzaileengan eragina baitute. Antzekotasuna duten kasuen aurrean, frogak, inplikatutako aldeen egoera zehatzak eta baita auzitegiak berak ere epai ezberdinak eman ditzake.
Egiptoko ibilaldi batean izandako istripuagatiko kalteordaina
Turista batzuk Egipton zehar egiteko bidaia konbinatu bat kontratatu zuten agentzia txikizkari batekin, konpainia handizkari batek antolatuta. Informazio-orrien artean aukerazko txangoei buruzko bat eman zieten. Kairora iritsi zirenean, irteera horietako bat egitea erabaki zuten. Irteera bertako agentzia batek antolatzen zuen eta honek autobus bat zuen kontrataturik. Baina turistek bestela uste izan zuten: txangoa Espainiako agentziak jarritako gidaren bidez egin zuten eta hari ordaindu zioten gainera irteerari zegokion "estra".
Txangoan zehar autobusak istripua izan zuen eta zenbait turista zauritu egin zen eta agentzia txikizkariaren eta handizkariaren aurka demanda bana jartzea erabaki zuten. Agentzia horiek erantzukizuna autobusaren gidariarena edo hura kontratatu zuen Egiptoko agentziarena zela alegatu zuten. Hala ere, Tarragonako Lurralde Auzitegiak, 1998ko urriaren 23ko epaian, agentzia biak kontsumitzailearen aurrean erantzule solidario kontsideratu zituen eta indargabe deklaratu zuen kontratuko baldintzetan jasota zegoen klausula -erantzukizuna erabat mugatzen zuena- Kontsumitzaileen Defentsarako Lege Orokorra eta Bidaia Konbinatuen Legea aplikatu ondoren.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Copyright-i buruzko informazioa eta lege-oharra
CONSUMER EROSKIn zure datuen pribatutasuna oso garrantzitsutzat jotzen dugu, lege oharra. © EROSKI Fundazioa