- Kokapen honetan zaude: Hasiera > Paperezko bertsioa > Gaurkotasuna eta aisia > Produktuen azterketak
Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.
Txibia irineztatu jelatuak: Irin gehiago txibikia baino
TweetLaurehun gramotik kiloa bitarteko zorroetan salgai daudela, aurrez "erromatar erara" ondu eta jelaturiko txibien zazpi lagin aztertu dira (Pescanova, Findus, Geliko, La Cocinera, Marlin, Frudesa eta Berbés).
Laburbilduz
- Laurehun gramotik kiloa bitarteko zorroan salgai zeudela, aurrez "erromatar erara" ondu eta jelaturiko txibien zazpi lagin aztertu dira. Prezio batetik bestera alde handia zegoen: 1.150 pezeta kiloko (Frudesa) garestiena eta 488 pezeta kiloko (Geliko), berriz, merkeena. Azken hau izan ezik, beste guztiak kiloko 700 pezetatik gora dabiltza. Laginen erakusten zuten osasun-egoera ona zen.
- Txibia gutxi-gutxi dute denek: produktuaren %35 baizik ez, batez beste. Gainontzekoa irinak, fekula, almidoia eta olioa da. Frudesa eta Pescanova (bilduki mehena duten biek) marketan, guztiaren %40 beste txibia-edukirik ez da agertu. Geliko eta Berbés atze-atzean geratu dira: %29.
- Era askotako aditiboak ugari darabiltzate. Berbés-ek bakarrik ez zeukan azterturiko hiruretatik (koloratzaileak, kontserbakariak eta glutamatoa) bat ere. Zazpietatik bostek dute glutamatoa eta bik kontserbakariren bat erantsi dute.
- Berezko txibiarekin ia zerikusirik ez du produktu honek: hark proteina asko (%17) eta gantz gutxi (%1) daukan bitartean, irineztaturiko txibia "industrial" honek, batez beste, %8 proteina eta %8,5 gantz duelako, frijitzeko darabilgun olioaz gainera.
- Horrelako txibiak ez ditu maiz kontsumitu behar ez hipertentsioak jota dagoenak (produktu horren gatz-edukia %0,6tik %1,2ra bitarte baitago), ez pertsona lodiak (200 kaloria baititu 100 gramoko) ez eta odoleko kolesterola zaindu behar duenak ere.
- Dastaketan denek aprobatu zutelarik, Pescanova nabarmendu zen, ondotik Frudesa eta Findus zetozkiola. Kalitate-prezio erlazio "hoberenik" hauteman ez dugun arren, badira bi aukera interesgarri, hara: Pescanova (prezio ertaina zuela, dastaketan onena gertatu zen), nahiz marka honetakoa den gantz gehien daukana eta (oso txibia gutxi sartu duen arren) Berbés, azterturiko aditiboak ez darabiltzalako eta, hein batez, merkea delako.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Bigarren mailako beste zerbitzu batzuk
Copyright-i buruzko informazioa eta lege-oharra
EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa