Higiezinen agentziari komisiorik ordaindu ez

Etxebizitza baten jabeak higiezinen agentzia batean eskaera-orri bat sinatu zuen, etxebizitzaren salmenta-gestioa agentziak izaera esklusiboarekin egin zezan. Salmenta gauzatuz gero agentziak eragiketaren %3ko zerbitzu-saria jasoko zuela adostu zuten. Baina gero, jabeak zuzenean saldu zuen etxebizitza, eta ukatu egin zen agentziako gestoreari zerbitzu-saria ordaintzera. Gestoreak salaketa jarri zuen jabearen aurka eta zerbitzu-saria eta interesak eskatu zituen. Salamancako Lurralde Auzitegiak, 1998ko irailaren 29ko epai bidez, ebatzi zuen jabearen jarrera -etxebizitza zuzenean berak saltzea- justifikagarria den arren, ezin direla gutxietsi agentziak aurrez egindako gestioak. Epaitegiaren ustez, baliteke agentziak egindako publizitateak eta ondorengo bezeroen bisitek erosleak eskaintzaren berri izateko balio izatea. Frogak eta salmenta zein azkar egin zen eta abar ikusita, etxibizitzaren jabeak agentziari adostutako zerbitzu-sariaren erdia ordaindu behar diola kontsideratu zuen epaitegiak, interesik eta kostarik gabe. Epaitegiaren ustez zerbitzu-saria murrizteak ez dakar salmenta esklusiborako hitzarmena urratzea; izan ere, hitzarmen horretan jasotako esklusibotasunak beste agentziak mugatzen ditu, baina ez jabea, honek eskubidea baitu etxea bere kasa saltzeko.

Eduki honen erlazioak

Ekintza honek Bizkaiko Foru Aldundiaren Kultura Sailaren laguntza jaso du