Nabigatze-menua pasa eta edukietara joan

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Buletinak
    •  | Utzi  | Aukerak |
  • Aurreko portadak

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Praktikoena > Lege-aholkularitza

Λ

Zure afera revista.consumer.es aldizkarian konpon dezagun nahi baduzu, jar zaitez gurekin harremanetan. Bistan denez, aldizkari honetatik interesgarrien jotzen ditugun kontsultak bakarrik argitaratuko ditugu

Etxebizitza baten alokairu-kontratua amaitzea

Duela berrogei urte etxebizitza bat alokatu genien lagun batzuei. Ez genuen idatzizko kontraturik egin, hitzezkoa bakarrik. Alokairuagatik hilean 3.000 pezetako errenta jasotzen dugu; kopurua barregarria da, bistan denez. Etxebizitza gure izenean dago eta kontribuzioa ere geuk ordaintzen dugu. Beste datu bat: gurasoekin bizi naiz eta adinez nagusia naiz. Ze bide daukagu legez maizterrak kanporatzeko?

1994ko Hiri Alokamenduaren Legeak, "antzinako errentakoak" izeneko alokairu kontratuen inguruan, errenta horiek eguneratzeko bideak ezarri ditu. Baita jabeak kontribuzioa edo Ondasun Higienezko gaineko Zergaren gastu osoa maizterraren gain uzteko jabeak duen eskubidea ere. Horrela, errenta eguneratzeko aukera daukazue (beti ez da posible izaten) eta zerga maizterrak ordaintzea ere eska dezakezue. Alokairu-kontratua gaur egungo maizterra hiltzean amaituko da (ezkontide eta seme-alabengan subrogatzeko aukera mugatu bat ere baden arren). Maizterrei kontratuaren derrigorrezko luzapena ukatzeko arrazoiak Legearen 62. artikuluan jasotzen dira eta alokatzaileak edo bere aurretiko nahiz ondorengoek etxebizitza erabiltzeko premia dutenean aurkez daitezke arrazoiok. Etxebizitza behar duen pertsona ondorengo kasu hauetako batean dagoenean kontsideratzen da behar justifikatua:

  • Etxebizitza dagoen udalerritik kanpo bizi eta udalerri horretan helbideratu beharra izanez gero.
  • Etxebizitzaren udalerri berean bizi arren, familiaren beharrak gehitu egin direlako gaur egun erabiltzen duen etxebizitza txiki geratu denean.
  • Ezkondu eta etxebizitza dagoen udalerrian bizi beharra baldin badauka.
  • Etxebizitza dagoen udalerrian erroldatuta egonik, bere borondateaz kanpoko arrazoiengatik gaur egungo etxebizitza utzi beharra badauka.

Jurisprudentziak kontratuaren luzapena ukatzeko arrazoitzat hartzen du adinez nagusi den seme-alabak familiatik aparte bizi nahi izatea, familiartekoekin bizi izatea ez baita derrigorrezkoa. Hala ere, asmo horrek serioa izan behar du, eta ez apeta hutsa (adinez nagusi den seme ezkongabeak, baliabide ekonomiko propiorik ez badu, adibidez). Kontratuaren luzapena ukatzeko pauso jakin batzuk bete behar dira: maizterrari idatziz jakinarazi behar zaio, etxebizitza behar duen pertsonaren izena adieraziz, urtebete lehenago. Beharra eragiten duen arrazoia urtea betetzen izan behar da, baina ez derrigorrez eskaera egiten den momentuan. Maizterrak, onartzen badu, kalteordaina jasotzeko aukera izango du. Onartzen ez badu, epaitegira jotzeko eskubidea izango du.



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto