- Kokapen honetan zaude: Hasiera > Paperezko bertsioa > Gaurkotasuna eta aisia > Azaleko gaia
Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.
Diskoteka eta dantzalekuak: 29 lokalen azterketa: Musikaren bolumena sobera eta segurtasuna falta
TweetDiskoteka, taberna, diskopub eta dantzalekuak milaka gazteren babesleku bihurtzen dira asteburuetan, lagunekin denborapasako ordu batzuk eman, kopa batzuk hartu edo modako musikarekin dantzan egiteko.
Hirutik batek ez du ixteko ordutegia betetzen
Bizilagunen kexa eragiten duen arrazoi nagusia: diskotekek ez dutela betetzen araudiak ezartzen dien ordutegia. CONSUMEReko teknikariek 29 lokal horien ixteko ordutegia jakin zuten eta hirutik baten ixteko ordua (goizeko hirurak eta seiak bitartekoa) gainditu egiten zela egiaztatu zuten; "jendeak sartzen jarraitzen zuen", diote. Gasteizen eta Logroñon lokal bakarra da ordutegia errespetatzen ez duena eta Bilbon eta Iruñean bi. Burgosen bakar batek ere ez zuen errespetatzen eta Donostia eta Santanderreko guztietan bete zen ezarritako ordutegia. Berariazko karteletan iragartzen ez zen kasuetan, establezimenduko langileek adierazitakoa hartu zen ixteko ordutzat.
Bestalde, txostenak argi uzten du diskoteka hauek ez dietela bezeroei behar adina informazio ematen: %80an ez zegoen larrialdi kasuetan jarraitu beharreko pausoak azaltzen dituen kartelik; beste %80k ez du lokalera sartu ahal izateko eskatzen den gutxieneko adina zehazten eta antzeko kopuruan ez da lokala ireki eta ixteko ordutegiaren berri ematen.
Zer kexa dute bizilagunek?
- Bizilagunen %85a diskotekaren hurbiltasunaz da kexu.
- Erdiak baino gehiagok dio etxetik diskotekako musika entzuten duela.
- Hiru bizilagunetik bati loa eragozten dio musikaren bolumenak.
- Hamarretik batek dio familiakoren batek osasun arazoak izan dituela diskotekaren eraginez (insomnioa batez ere).
- Bestelako kexak: kaleetako zikinkeria (%79ak), jendearen oihuak (%78) eta autoen frenuen eta azeleratzearen hotsak (%53). Autoetako musikaren bolumenaz (%42) eta diskoteka inguruetako borrokez (%40) ere kexu dira.
- Erreklamazioak: hamar bizilagunetik batek aurkeztu du erreklamazio edo salaketaren bat areto hauengatik, batez ere zarata eta iskanbilak direla eta.
- Non erreklamatzen den: Erreklamazioa aurkeztu dutenen artetik %42ak Poliziaren aurrean egin du, %22ak Udalean eta %12ak bietan. Hamarretik ia bat diskotekako langileengana ere joan da kexatzera.
- Erreklamatzeak ez du ia ezertarako balio: erreklamazioa egin dutenetatik %87 ez da erantzunarekin gustura geratu.
- Eta hotsak ekiditeko etxean obrak egitea? Bizilagunen %15ak obrak egin behar izan ditu etxea isolatzeko. Ohikoena leihoak aldatu, isolamendu hobekoak ipini eta etxebizitzaren zorua insonorizatzea da eta garesti ateratzen da.
- Delinkuentzia arazoak: hirutik batek uste du etxetik hurbil duen diskoteka edo disko-pub aretoak era horretako arazoak sortzen dituela. %16ak lapurretak aipatzen ditu, beste hainbestek droga trafikoa eta %15ak bandalismoa. %11ren ustez lokal hauek lagundu egiten dute gazteen arteko borrokak sortzen.
Eduki honen erlazioak
Interesatzen zaizu
Ekintza honek Bizkaiko Foru Aldundiaren Kultura Sailaren laguntza jaso du
Orrialde honen baliabideak
Nabigatze-menuak
Web honen atalak
Beste zerbitzu batzuk
Bigarren mailako beste zerbitzu batzuk
Copyright-i buruzko informazioa eta lege-oharra
EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa