Nabigatze-menua pasa eta edukietara joan

EROSKI CONSUMER, el diario del consumidor

Bilatzailea

logotipo de fundación

EROSKI CONSUMEReko kanalak


Kokapen honetan zaude: Hasiera > Paperezko bertsioa > Gaurkotasuna eta aisia > Azaleko gaia

^

Informazio honetan agertzen diren datuak, informazioak, interpretazioak eta kalifikazioak burutu ziren momentuari soilik dagozkio eta, beraz, iraupen mugatua dute.

Kirol-instalazio publikoak: Hiriburu batzuetan, askozaz kirol-azpiegitura handiagoa bestetan baino

Gure herrian, hamar hiritarretatik lauk praktikatu ohi dute kirola. Lau horietako bik, titulartasun publikoko kirol-instalazioetara jotzen du.

Iruñea, bestelakoa

Gainontzeko hiriek ez bezalako kirol-azpiegitura du Iruñeak. Bertako biztanleen %40raino dugu Iruñea zaharrean diharduten kirol-elkarte pribatuetako baten bazkide. Gainerako hirietan biztanle gehienek udal instalazioetara jo ohi dute, bi eratakoak elkarren osagarri edo elkarren lehiakide izanik ere: normalean bazkide sartzeko diru-kopuru handi bat eta urte osoko edo bestelako epe jakin bateko abonoa eskuratzeko beste bat ordaindu behar baitira kirol-instalazio eta -klub pribatuetan. Erabilera publikoko kirol-ekipamendurik txarrenetako bat da Iruñeak eskaintzen duena, baina hirian bertan dozena bat klub pribatu ditu eta hauetako askok hainbat kiroletan jarduteko kalitatezko instalazioak eskaintzen dituzte. Era berean, elkarte horietako bateko bazkide izateko kostua beste hirietan baino merkeago dute iruindarrek. Iruñeako Udalak CONSUMERi azaldu zion bezala, kirol-instalazio gehiago eraikitzeko inbertsiorik ez da egin, orain dagoen eskakizuna bertako klubek ederki asetzen dutelako. Elkarte pribatu horiekin akordioak sustatzen ditu Udalak, bere instalazioak zabal ditzaten erabilera publikokotzat izendaturiko lurrak utsiz eta bestelako neurriak hartuz. Horren truk, urte osorako nahiz udarako hainbat abono entregatzen diote klubek Udalari, honek herritarren artean bana ditzan. Hala eta guztiz, gure ustez ez dira gutxi titulartasun publikoko kirol-instalazio gehiago edukitzea nahiago luketen iruindarrak.

Bartzelona, aparteko kasua

Txostenean ageri diren datuak udal jabegokoak diren instalakuntzei buruzkoak dira. Ez dira jasotzen Generalitat, Portu Autonomo, Diputazio eta Estatuko Administrazioarenak. Bartzelonako Udalak gestioa kirol erakundeei zedituz ustiatzen ditu bere instalazioak (Udalak berak ez du instalazio bat bera ere gestionatzen). Udal instalazioen gestoreek irabazi asmorik gabeko entitate izan behar dute. Zeharkako gestio edo subkontratazio hau kontrolatzen duen organua Udaleko Kirol Kontseilua da. Udalak ez du ikastaro eskaintzarik antolatzen, baina instalazioen gestoreengan delegatuz bultzatu egiten ditu. Horrela, eskaeraren arabera antolatzen dira ikastaroak, hau da, eskaintza eskaerara egokitzeko ahalegina egiten da, instalazioak kolapsatu arte; orduan, itxaron- zerrenda egiten da. Kirol entitateei instalazioak lagatzeko, urte kopuru jakin baterako kontratua sinatzen da. Kontratu horiei urtero egiten zaie auditoria, sarrera eta gastuei buruzko txosten baten bidez. Gestoreek urteroko kanona ordaintzen dute udalaren instalaziook kudeatzearen truke. Instalazioetara sartzeko prezioak, berriz, Udalak ezarri eta onartzen ditu. Guztira 119 entitate ari dira udal instalazioen gestioa eramaten. Udalari ordaindu beharreko kanona zati finko batek eta sarreren araberako beste zati aldakor batek osatzen dute. Entitateak instalazioak hobetzeko inbertsioren bat eginez gero, kanona gutxitu egiten da. Konponketa garrantzitsuren bat egin edo instalazio gehiago eraikitzen bada, gastua Udalak ordaintzen du.

Bartzelona da mundu mailan gestio-eredu hau ezarri duen lehen hiria. Udaleko iturrietatik jakin ahal izan dugunez, hiriak gaur egun duen tamaina demografikoak ez du gomendagarri egiten kirol instalazioak Udalak berak zuzenean gestionatzea, oso konplexua litzatekeelako.

Udalarenak ez diren instalazio publikoak ere zeharkako moduak erabiliz gestionatzen dira, lagapen bidez. Dirudienez sistema horrek ondo funtzionatzen du eta instalazioak errazago amortizatzen dira.

Fitxa teknikoa

  • Gasteiz, Bilbo, Donostia, Iruñea, Logroño, Burgos eta Santanderrek duten titulartasun eta erabilera publikoko kirol-ekipamendua aztertu eta konparatu da.
  • Azaroaren 1etik hasita, CONSUMER hiri bakoitzeko Udaleko Kirol-Arearekin harremanetan jarri zen, ikerlanaren helburua azalduz eta galdategi bat igorriz. Honetan, igeriketa-toki, tenis-, squash-, paddle-pista, frontoi, futbol-zelai eta abarri buruzko datuak eskatzen dira. Instalazioetan aritzeko tarifen eta, jende guztiari, -zaharrei eta ezinduei, bereziki- eskaintzen diren ikastaroen galde ere egin genuen.
  • Beste aldetik, 1998ko azaroaren 5etik 9ra arte, erabilera publikoko hogeita hamarren bat (3-5 hiri bakoitzeko) kiroldegi bisitatu genituen. Horietako bakoitzean hurrengo alderdiak aztertu genituen: mantentze- eta garbitasun-egoera orokorra, aldagela eta takillak, elementu arriskutsuak, ezinduentzako garbigela eta irispideak, telefono-kabinak eta osasun-arretako gelako botikina. Guztira, 63 igerileku, 45 gimnasio muskulazio-gela, atletismoko 7 pista, 68 kiroldegi-pista (futbito, eskubaloi, saskibaloi, minibasket, boleibol eta badmintonekoak), 20 squash-pista, 39 frontoi, 4 paddle-pista, 68 tenis-pista, 11 futbol-zelai, 5 rugbi-zelai, 3 patin-hockeyko pista, 3 eskalada-murru, golf-zelai bat eta golfean aritzeko hiru espazio.

Orrialde-zenbaketa



Ekintza honek Bizkaiko Foru Aldundiaren Kultura Sailaren laguntza jaso du

Beste zerbitzu batzuk


Bilatu

Copyright-i buruzko informazioa eta lege-oharra

Visita nuestro canal Eroski Consumer TV

 EROSKI CONSUMERen oso serio hartzen dugu zure datuen pribatutasuna, lege oharra. © EROSKI Fundazioa

EROSKI Fundazioa

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto